Þátttakendur vantar í rannsóknina: „Sjónræn ferli hjá fólki með og án lestrarörðugleika“
Þú þarft að vera 18 ára eða eldri með eðlilega sjón eða sjón leiðrétt með gleraugum/linsum. Þátttakendur verða beðnir um að taka þátt í sjónskynjunarverkefnum. Heilastarfsemi verður mæld með heilarafritun (EEG).
Nánari upplýsingar *: Senda póst á skynjun(Replace this parenthesis with the @ sign)hi.is
Greitt er fyrir þátttöku.
Markmið rannsóknarinnar er að skilja betur sjónskynjun fólks og þá heilastarfsemi sem þar liggur að baki, bæði hjá fólki sem er og sem er ekki með lesblindu (dyslexia). Þau sem hafa samband eru með því aðeins að lýsa yfir áhuga sínum á því að fá frekari upplýsingar, ekki að skuldbinda sig til þátttöku. Ábyrgðarmaður rannsóknarinnar er dr. Heiða María Sigurðardóttir, dósent við Sálfræðideild Háskóla Íslands. Upplýsingar veita Heiða María Sigurðardóttir, Dýrleif Friðriksdóttir, meistaranemi við Háskóla Íslands, og meðrannsakendur þeirra, sjá einnig frekari upplýsingar hér fyrir neðan (hægt að lesa og hlusta).
Rannsóknin er styrkt af Rannsóknasjóði Íslands og Rannsóknasjóði Háskóla Íslands.
* Þau sem senda póst á skynjun(Replace this parenthesis with the @ sign)hi.is og geta mögulega tekið þátt verða beðin um símanúmer. Við hringjum svo og spyrjum nokkurra spurninga til að kanna hvort viðkomandi uppfylli skilyrði fyrir þátttöku. Ef svo er finnum við tíma sem hentar. Rannsóknin sjálf fer fram í Háskóla Íslands.
